(蔡太) 我們剛剛去完歐洲旅行.  好開心, 影了很多相.  你們可以在以下網址睇下我們的相.

Photo shooting!

Can you find Kelvin in P.28 IMGP3241?

Can you find me in P.48 IMGP3599, P.58 IMGP3802?

http://sunnychu.no-ip.org/84030gallery/main.php?g2_itemId=2273

(蔡太) 我們返來啦, 其實1/12晚12點已經返來, 但因為太忙所以未有時間留言.  浮羅交怡確實係度蜜月的好去處. 單單住的地方已經好正. 我地住水中高腳屋. 有個好大的露台. 在露台望出去的風景好靚. 藍天碧海,水清沙幼. 令人有一種好舒服悠閒的感覺. 另外, 天氣好好, 下午大約三十度, 陽光充沛, 但很清爽. 我們常常穿著短衫短褲和拖鞋, 便到處玩和食. 好寫意, 好relax.  我最鍾意食海鮮, 在那裡有好多海鮮食, d 虎蝦好好食又好大隻. 串燒都好好味, 不過無豬肉串燒, 因為malaysia在回教國家唔食豬肉. 5天的假期實在過得好快.這5 天好開心, 好relax, 好享受. 我好少住d 5星級酒店. 這個團每天都住5星級酒店, 好正呀, 又不是好貴. 遲些將相片放在website俾大家睇啦.

(蔡太) 做咗蔡太，好似唔係好慣.. 婚禮終於完滿結束,好開心又好難忘, 多謝Kelvin和大家俾我一個咁難忘的婚禮. 我們下午便去浮羅交怡, 回來再和大家分享.

(蔡生) 噢！終於結咗婚啦！感覺都仲係好開心..　尋日既呢個時間我哋剛剛抱起winnie步出註冊禮堂.. 好開心！尋晚又真係幾難忘，唱歌又唔記得歌詞，但又聽到大家同我一齊唱，好開心！最難忘就當然係最後神秘節目──彈琴演奏啦！唔好意思，無係婚宴當中表現比大家睇，因為我想俾一個「偶然遇上的驚喜」俾winnie。最開心就係個佈置.. 好靚好浪漫.. 都係時候係呢到向各位仗義幫忙的朋友們說聲多謝！　包括：

求婚時──Iris教我整花；阿銘、ET、思琴、阿榮、Peggy、小虎、瀚英同我一齊去鳳凰山求婚；結婚前──家倫既鋼頁設計；Jovia幫手Book車；小虎既影片剪接；嘉玲寫個數字版既鋼琴樂譜，仲教我彈琴；結婚日──Peggy、高佬既鋼琴運送安排、阿紫既鋼琴佈置；最重要既當然係伴郎兄弟、伴娘姊妹們啦！名單包括敏儀、雪玲、Janice、阿wing、嘉琪、janet、雅麗、嘉儀、青蛙、阿畢、伊陽、Blanka、山哥、阿民、阿榮、小虎，全日照顧我同winnie。雖然個流程都算順暢，但真係有好多意外既小事情發生.. 全靠各人全力以赴，協助小弟的婚禮..

我知到老婆仔仲有個thank list，等佢遲d再補充啦！（因為佢有好多好多物資仲整理緊） ：P　

亦多謝各位係留言版、賀咭上祝福我們既朋友們！令呢個婚禮好似舉行咗成個月 ：D　

希望渡蜜月返來後，可以同大家繼續分享多ｄ相片啦！　

(Kelvin) 仲有12個小時後，就接新娘出門啦!! 好緊張!! 但仲有好野未準備好.. 都唔緊要啦! 順其自然.. 我要好好享受明天的婚宴。好似做明星.. 比人勁影相. 我知道winnie有好多野未點算好，努力啦! 我哋會係半夜一齊係各自的屋企上頭.. 之後仲話唔可以傾電話添! 真係嚴格。

我而家的心情都幾得意，都幾眼訓，但又好似好多野諗緊.. Anyway, 都係要等上完頭先訓啦。剛才見到d屋企人幫手舖了我張床，全張都係红色的，仲有一條龍、一條鳯係上面(床單上面有、被套上面有、連枕頭上面都有)！我就幫手貼咗7個囍字係所有的牆、門上，全屋都係！！好有氣氛呀！一陣上完頭仲有湯圓食，我買咗ｄ南瓜皮芝麻涵的湯圓，應該幾好食。

好啦！差唔多啦！留返ｄ野聽日當面同各位賓客講啦！早ｄ到，如果招呼唔到，唔好太介意喎！因為我會全力以赴嫁啦..

Winnie，明晚接你返來啦！！可以同妳一齊對住個電腦留言！！　:D